Кадджын дыккаг бынат бацахста æрæджы Даргъ-Къохы хъæуы культурæйы Хæдзары кафджыты ансамбль «Хуры тын» 5-æм Æппæтдунеон хореографион-вокалон конкурс «Нальчик — подкова счастья»-йы.

Архайдтой дзы сфæлдыстадон къордтæ Уæрæсейы Федерацийы алы регионтæй, хæстæг æмæ дард фæсарæнты паддзахæдтæй: Египетæй, Индийæ, Сомихæй, Грецийæ, Белоруссийæ, Украинæйæ, Монголийæ, Гуырдзыйæ æмæ æндæртæй. «Хуры тын» хорзæхджынгонд æрцыд конкурсы диплом æмæ майданæй.

Æрыгон хæдахуыр кафджытæн конкурсмæ ацæуынæн материалон æгъдауæй стыр æххуыс бакодтой «Иры Стыр Ныхас»-ы хъæуы хайады уынаффæдоны сæрдар Белеккаты Зелим, хъæуы сæргълæууæг Дыгуры Зелим, скъолайы директор Уыртаты Ирыстон, амалхъом адæм: Коцойты Владимир, Габысаты Вадим, Къуыллыты Таймураз, Сланты Отар, æрыгон артистты ныййарджытæ æмæ культурæйы Хæдзары кусджытæ.

Ансамблы разамонæг Габысаты Каринæ цыбыр рæстæгмæ йæхи равдыста арæхстджын æмæ бæрнон кусæгæй, ис ын бастдзинад сывæллæтты ныййарджытимæ. Каринæйы разамындæй ансамблы къухты æфты æнтыстдзинæдтæ алыхуызон конкурстæ æмæ равдыстыты.

Хъантемыраты Эльзæ,

Даргъ-Къохы хъæуы культурæйы Хæдзары директор.