Хетæгкаты Къостайы 160 азы юбилейы кадæн Цæгат Ирыстоны бирæ мадзæлттæ арæзт æрцыд. Уыдоны 'хсæн зынгæ бынат ахсы, РЦИ-Аланийы Мыхуыры хъуыддæгты æмæ дзыллон коммуникациты комитет æмæ сывæллæтты литературон-аивадон журнал «Ногдзау-ы хъæппæрисæй цы конкурс ацыд, уый. Хуындис «Къостайы фæдонтæ». Конкурсы архайджытæ уыдысты скъоладзаутæ республикæйы алы районтæй. Йæ сæйрагдæр нысан уыдис нæ адæмы уарзон хъæбул Къостайыл иронау æмдзæвгæ ныффыссын.

Уыцы курдиат тынгдæр чи равдыста, уыцы 15 авторимæ сты Елхоты дыккæгæм астæуккаг скъолайы ахуырдзау Челæхсаты Даниэлæ (йæ ахуыргæнæг Дзарасаты Беллæ) æмæ Змейкæйы фыццæгæм астæуккаг скъолайæ Гæззаты Амандæ (йæ ахуыргæнæг Дзуццаты Риммæ). Иннæ уæлахиздзаутимæ сæ схорзæхджын кодтой Арфæйы фыстæджытæй æмæ лæвæрттæй. Афтæ сæ ахуыргæнджыты дæр. Æхсызгон куыд нæ у, ацы æрыгон чызджытæ сæ мадæлон æвзагыл æнувыд кæй сты æмæ йыл канд дзургæ нæ, фæлæ ма се 'нкъарæнтæ, сæ зæрдæйы ахаст кæй равдыстой сæ уарзон поэтмæ поэзийы хуызы. Ноджы сын фылдæр бантысæд!     

---

Тылаттаты С.Къам систа А. Шевченко.