Сæ 80 азы юбилейтæ сбæрæг кодтой ставддуртаг дыууæ хистæр фæллойуарзаг сылгоймаджы Дзеранты Изольдæ æмæ Газашвили Бабули. Уæды фæлтæр цардæн йæ урс æмæ йæ сау стъæлфытæ дæр бавзæрстой, фæлæ зындзинæдтæн сæттын нæ бакуымдтой.

Абон фæсмон ницæуыл кæнынц. Æрмæстдæр курынц Хуыцауæй уыцы хорздзинад, цæмæй сæ бинонтæ, кæстæртæ, хиуæттæ уой фыдбылызæй хызт.

Юбиляртæн иумæйаг фембæлд сарæзтой Ставд-Дурты бынæттон администрацийы æмæ сын зæрдиаг арфæ ракодтой районы ветеранты Советы сæрдар Басаты Светланæ, Кировы районы адæмон социалон æххуысы Комплексон центры фыццæгæм хайады сæргълæууæг Къубалты Мæдинæ æмæ хъæуы сæргълæууæг Уаниты Хъазыбег. Сæ дыууæйæн дæр муниципалон равзæрд Кировы районы Администрацийы Сæргълæууæг Батиаты Хъазыбегы номæй радтой Арфæйы фыстæджытæ. Нæ сæ ныууагътой æнæ зæрдылдарæн лæвæрттæй дæр.

Ахæм хъарм цæстæнгасæй Изольдæ æмæ Бабули баззадыс- ты разыйæ æмæ бузныг загътой, чи сæ 'рхъуыды кодта, уыдонæн.

---

                                                                           

Тылаттаты Светланæ.