Сывæллæтты хъахъхъæныны Æппæтдунеон бон ма иу æвдисæн у, рæзгæ фæлтæры хъомыладмæ мах, хистæртæ, цы стыр æргом хъуамæ здахæм, уымæн. Адæймагæн йæ сабидуг æрмæст царды иу хай нæу, уыцы рæстæг уæлдай ахсджиагдæр уымæн у, æмæ уæд цæуы бындурæвæрд йæ зондахастæн, куыд адæймаг, куыд гражданин, кæцы стыр аргъ кæны йæ ныййарджытæн æмæ бирæ уарзы йæ республикæ, йæ бæстæ. Фидарæй мæ уырны, цас фылдæр сывæллæттæ нæм уа, уыйбæрц хъомысджындæр уыдзæн нæ наци, уыйбæрц хъаруджындæр уыдзысты Ирыстоны бирæнацион адæм. Абоны сывæллæттæ райсом суыдзысты Ирыстон æмæ Уæрæсейы фидæн. Уадз æмæ уыдон алкæддæр уой хъæлдзæг æмæ амондджын!

---

 

УАНИТЫ Хъазыбег,

Ставд-Дурты хъæуы сæргълæууæг.