Ираны хъæуы чиныгдоны кусджытæ бынæттон астæуккаг скъолайы ахуыргæнинæгтимæ иумæ бацæттæ кодтой мадзал Хетæгкаты Къостайы гуырæн бонмæ. Хуынд æм уыдысты хъæуы цæрджытæ, скъоладзаутæ. Чиныгдоны сæргълæууæг Козаты Ольгæ радзырдта уазджытæн скъуыддзæгтæ нырыккон ирон литературæйы бындурæвæрæджы цардвæндагæй. Райдиан кълæсты ахуыргæнинæгтæ Сугъараты Руслан, Гайты Марат, Плиты Сабинæ, Тыджыты Батрадз æмæ иннæтæ бакастысты Къостайы æмдзæвгæтæ. Цымыдисаг уыд музыкалон хай дæр, кæцы бацæттæ кодта культурæйы Хæдзары кусæг Токаты Зæлинæ. Ахуырдзаутæ азарыдысты Къостайы æмдзæвгæтæм гæсгæ арæзт зарджытæ «Хъуыбады», «Цъиу æмæ сывæллæттæ», Фидараты Альберт æмæ Калоты Элеонорæ акодтой ирон кæфтытæ. Мадзалы архайджытæн зæрдиаг арфæ ракодта Ираны хъæуы сæргълæууæг Плиты Вадим.

---

 

КЪУБАЛТЫ А.